ഓരോ മൈലാഞ്ചി കൈയ്യിനോടും ഞാൻ പറയാറുണ്ട് ...
കറുക്കരുത് ..!!
പാര്ദയിൽ ഞാൻ തുന്നിവെച്ച വെള്ള കല്ലുകൾക്കിന്നും
അത്തറിൻറെ മണം ..
കടലിന്റെ അക്കരെ നിന്ന് ഇന്നും കേൾക്കാം
ചില്ലറകളുടെ കുശലം പറച്ചിലുകൾ
സുലൈമാനി നിന്റെ ചുണ്ടുകളോട് ചേരുമ്പോളെല്ലാം
ഞാൻ ഇടിമിന്നൽ പോലെ വിറച്ചിരുന്നു ..

ഒരൊറ്റ രാത്രി കൊണ്ടീ അകലങ്ങളെ എല്ലാം
കുടിച്ചു വറ്റിച്ചെടുക്കാൻ തോന്നിയിട്ടുണ്ട്.
ഓരോ കാത്തിരിപ്പിന്റെയും
അന്ത്യം എനിക്ക് ഒന്നേ പറയാനുള്ളു
മൈലാഞ്ചി കൈയ്യേ നീ മാത്രം കറുക്കരുത് .