ചില രാത്രികളില്‍ നിലാവ് ആകാശത്തില്‍ തന്‍റെ പ്രണയിനിയെ കാണാറുണ്ട്.മഴനൂലുകള്‍ക്കിടയിലൂടെ ഉതിര്‍ന്നിറങ്ങി വന്ന് കാതില്‍ പ്രണയത്തെ കുറിച്ച് മാത്രം വാതോരാതെ സംസാരിയ്ക്കും.പണ്ടൊരുമിച്ചിരുന്ന് കണ്ട സ്വപ്നങ്ങളെ കുറിച്ച് പറയുമ്പോള്‍ തിളങ്ങിയിരുന്ന കണ്ണുനീര്‍ തുള്ളികള്‍ക്കുപോലും മഴവില്ലിനഴകാണ്. പുലരുവോളം മഴ ചാറ്റലില്‍ ഇരുവരും നനഞ്ഞലിയും. രാത്രി ഒരു പ്രണയമാണ്..തുളുമ്പുന്ന നിലാവൊരു മാന്ത്രികനാണ്.മാന്ത്രികനെ പ്രണയിച്ചതൊരു സുന്ദരിയായ യക്ഷിയുമാണ്.